?

Log in

No account? Create an account
Служба собору Белорусских святых. дополнение
matreshka_14
Служба собору Белорусских святых
(Совершается в 3-ю неделю по Пятидесятнице)
На литии стихира, глас 3:
       Ди=вна дела= Госпо=дня, в мире ви=димом познава=емая: како челове=цы, бре=нную плоть нося=ще, хра=мы благода=ти Бо=жия соде=лашася; те=мже возопии=м: благослове=ннии сро=дницы наши, край Белорусский многообра=зными по=двиги ва=шими украси=вшии, моли=те о па=стве ея=, да упра=вит ю= Христос ко спасе=нию и ко зре=нию Ца=рствия Своего=.
Слава и ныне, глас той же.
       Дивны Твоя тайны, Богоро=дице, святы=я в Це=ркви Сына и Бога Твоего прославля=ющая. Тех молитвами ми=лостива бу=ди рабо=м Твоим и щедро=ты Твоя дре=вния нам, недосто=йным, проба=ви, к Тебе со умилением притека=ющим.
На стиховне стихиры воскресны.
Слава, глас 8:
       Вси восхва=лим днесь/ Собор святых земли Белору=сския,/ от дней древних и доны=не/ помощь нам простира=ющих,/ от искушений же и зол/ хода=тайством ко Господу избавля=ющих/ и веру правую\ в сердца=х укрепля=ющих.
И ныне. Богородичен, глас той же.
       От вся=ких бед и зол спаси= рабы= Твоя, Пречистая, да Тя сла=вим и ублажа=ем, Наде=жду душ наших.


Канон, глас 8
Песнь 6
       Очисти мя, Спасе,/ многа бо беззакония моя,/ и из глубины зол возведи, молюся:/ к Тебе бо возопих и услыши мя,\ Боже, спасения моего.
       Господи, Боже наш, по=двигом святых мученик Зе=млю Российскую удиви=вый, Ты и преде=лу ея=, кра=ю Белору=сскому, тех дарова=л еси=.
       Господи мой, Иисусе Христе, во страда=льчестве младе=нца Гаврии=ла Белосто=кскаго паче ума= укрепи=вый, то=йже кровь свою проли= любве= ра=ди Твоея=.
В стра=се и тре=пете на муче=ния твоя== взира=юще, про=сим: Го=сподеви моли=ся, младе=нче Гаврии=ле, покры=ти страну= нашу от вся=ких бед.
       Богородичен:  Мати милосердия, Пресвятая Дево, предстательством Твоим неизбы=вным грехи наша очи=сти и спаси нас.
Песнь 7
       Отроцы благочестивии в Вавилоне образу златому не поклонишая, но посреде пещи огненныя орошаеми, песнь воспеваху, глаголюще: превозносимый отцев и нас Боже, благословен еси.
       Благослове=н еси=, Го=споди, я=ко Ты к по=двигом духо=вным естество= женское утверди=, пречу=дным жи=тельством свои=м на земли= Бе=лыя Руси= возсия=вшее.
Благослове=н еси, Господи, превели=кую де=ву, Евфроси=нию По=лоцкую нам показа=вый, я=же мужему=дренна бысть Слова Твоего служи=тельница и оби=телей жен и=ночествующих устрои=тельница.
       Благослове=н еси=, Господи, Христе Иисусе, преподобную Твою Евфроси=нию, де=вам сия=ние, на поклонение свята=го Гроба Твоего подви=гнувый, иде=же и блаженную кончи=ну та прия=.
       Богородичен: Ма=ти Света, Неизрече=нная Засту=пнице наша, естество= жен возвели=чившая и по=мощию Твое=ю ко преподобию  то=е веду=щая, не забу=ди и нас.
Песнь 8
       Богоглаголивии отроцы в пещи, со огнем пламень попирающе, пояху: благословите дела Господня, Господа.
       Удиви= Господь милость Свою в кра=е Белорусстем, до последних дний жен праведных зде явля=я.
       О благове=рнии кня=зие и княги=ни земли= Белору=сския, в мона=шеских труде=х и пра=ведности земно=е житие= соверши=вшии, не оста=вите нас в ско=рбех предста=тельством своим.
       Богородичен: Цари=це Небесная, Ковче=же Честны=я Святы=ни, о Тебе= яко У=тре разу=мнем и Ма=тери Све=тлыя Чистоты, Кирилл, святитель Ту=ровский, рече=, глаго=ля: сы=ны дне= и ча=да Света = ны сотвори=.  



На хвалитех стихиры глас 5:
       Торжествующе, лю=дие,/ память Сонма святых,/ в земли Белорусстей просиявших,/ с ра=достию воспои=м:/ моли=твами вашими ко Господу/ веру Правосла=вную\ в сердца=х наших утверди=те.
Стих: Священницы Твои облекутся в правду, и преподобнии Твои возрадуются.
       Прииди=те, ве=рнии,/ возвели=чим Собор святых,/ в земли= Белору=сстей Господом явле=нный,/ и со усердием воскли=кнем:/ Небе=снии сро=дницы наши,/ моли=теся Христу Богу да соде=лает ны\ непа=дательная ча=да Це=ркве Своея=.

прав. Ричарду
matreshka_14
праведному Рикарию (Ричарду), королю Уэссекса (722 г.),

тропарь, глас 1:

Дом твой, Рикарие,/ пра=веден и Господу уго=ден показа=ся,/ сродницы святи=теля Вонифа=тия супру=же:/ Церкви Христове/ яко дар безце=нен/ чад своих святых прине=сл еси:/ Ги=льбода, Виннебо=да и Вальбу=ргу,/ с нимиже на Небесех ныне ликовству=я,/ Всеблагаго Человеколюбца моли=,/ к Нему=же в стра=нствии благочести=вом пресели=лся еси,/ спасти души любо=вию воспева=ющих\ всечестну=ю память твою.

Бодилю Нимскому тропарь
matreshka_14
мученику Бодилю Нимскому

Тропарь, глас 1
Вся суетная идольская тщания/ крепце посрамил еси, Бодиле,/ со святою супружницею/ из Орлеана пришедый,/ и люди Нимския/ святым учением просветивый,/ мученическою кончиною/ проповедь твою венчал еси./ Ныне же моли о нас,/ совершающих память твою,/ и нам твердо за Христа стояти// и спастися душам нашим.

свт. Макарию Коринфскому
matreshka_14
Тропарь святителю Макарию Коринфскому, Нотара=су,
глас 1, подобен: Пустынный житель:
Творение преподобнаго Афанасия Парийскаго (Паросскаго):

Кори=нфскаго пастыря,/ и=менем и житием блаженна суща,/ по Промышлению Божию Хи=оса/ неизреченными глаголы велия украси=теля:/ де=лы, и словесы=, и моли=твами просия=вшаго,/ да восхвалим, вернии,/ цели=ти бо неду=жныя/ и духи нечи=стыя отгоня=ти/ вои=стинну от Бога приял еси./ Слава сие= предуве=давшему Отцу,/ слава возвы=сившему Сыну,// слава де=йствующему сим Духу Святому.

Виталию мученику
matreshka_14
мученику Виталию, отцу мчч. Протасия и Гервасия
тропарь, глас 2
Веры правыя/ священный адаманте,/пред мучители зверообразными/Господа без страха исповедавый,/и иныя на страдания укрепивый,/в рове страшнем/живый погребенный,/ Богом же прославленный,/ мучениче Виталие,/ святую супружницу и чад,/ подражати тебе подвигл еси./ О нас же моли Христа,/ дароватися душам нашим// благодати и велией милости!

Гавриилу Самтаврийскому прп.
matreshka_14
Гавриилу Самтаврийскому прп.


Тропарь, глас 4:
Якоже Владыка Христос/ сокры= Божество Свое,/ в человечество Его облеки=й,/ и тем неизглаго=ланную славу Свою/ невидиму сотвори,/ такожде и ты/ юродства образом/ покрыл еси славу твою/ и зна=мением испове=дничества просиял еси,/ и пастырь душ явился еси,/ отче преподобне Гаврииле,/ моли Христа Бога\ поми=ловати души наша.
­
Ин тропарь, глас 8:
Божественный гром, труба духовная,/ любве= велегласное проповедание,/ мученик подражателю/ и в напастех скорый помощниче,/ рода и=верскаго похвало=,/ преподобне отче Гаврииле,/ исповедниче и юро=де,\ моли Христа Бога помиловати души наша.

Кондак, глас 4:
Непости=жна есть милость/ Егоже благодатию/ создание обоже=но зрим вси,/ ты же, блаженне отче,/ воистинну образ и подобие Творца явился еси,/ темже славим тя,/ хвалы достойна суща,/ яко бяше на земли/ правды глас и голубь чистоты,/ в чуднем смирении жительствовав,/ лирою мудрости/ и органом  любве звяца=ше,/ ныне же на Небеси/ предстательствуеши о  спасении нашем,\ ходатаю благодати Божия.

Преподобный Леонтий Стемницкий, иже во Влахерне Аркадийстей
matreshka_14
Преподобный Леонтий Стемни=цкий,
и=же во Влахе=рне Аркади=йстей


Тропарь, глас 4:
Стемни=цы отрасль/ и Влахе=рны хранителя/ тя почитаем, преподобне,/то=ки слез и тягота=ми подвиго=в/ в пусты=нех и горах вои=стинну возсия=вшаго,/ идеже и Христу/ Божественною любовию прилепился еси./ Того убо моли, Леонтие,\ спасти души наша.


Память переходящая, празднуется на третий день после Святой Пасхи, в 2019 году выпадает на 1 апреля по новому стилю/ 18 апреля по старому стилю (вместе с прп. Иоанном, учеником прп. Григория Декаполита).

Немногое известно о преподобном Леонтие, а оба писмьменных источника, имеющихся в нашем распоряжении, отображают лишь местные предания.

Преподобный Леонтий жил ранее 1770 года (приблизительно с 1650 до 1750). Происходил он из деревни Стемнúца Гортинийской области. О родителях его и времени рождения, а также детских и юношеских годах мы не знаем ничего. Монашеский же путь он начал в одном из многих монастырей, находившихся в то время в окрестностях Стемнúцы.

Сведения о жизни святого появляются лишь с того момента, как он стал подвизаться на вершине горы Кастанья, что в древности называлась Кнакалос и, как известно, достигает высоты 1200 метров, а находится прямо напротив селения Влахерна. Окрестности и в особенности пещеры, которыми покрыта гора, издавна были местом подвигов отшельников.

В одной из таких природных пещер и поселился преподобный Леонтий. В течение года он расширил ее и соорудил часовню в честь Положения ризы Пресвятой Богородицы, потому что здесь пребывала святая икона Госпожи Приснодевы, на которой имелась надпись: "Матерь Божия Влахернская". От нее взяло название нынешнее селение, из Безеникоса переименованное во Влахерну. Образ был спрятан под келлией преподобного Леонтия в тайничке, защищенный от дерзких рук турок. Его обрели чудесным образом после освобождения от османского ига.

Итак, в пещерке, под покровом Богородицы, преподобный Леонтий жил уединенно в молитвах и подвигах. Кроме того, он не отказывал в духовной помощи жителям округи и всем, приходящим к нему. Вот случай, который ясно показывает милосердие угодника Божия.

Деревня стояла на пути из Триполи в Калавриту и Пиргос. Дорога была вытоптана путешественниками, словно та асфальтовая магистраль, которая ныне соединяет Калавриту и Пиргос. На этом участке пути близ Влахерны для усталых путников не было воды.

Преподобный, зная, что утомленные люди нуждаются в прохладной воде, приносил ее в кожаном мешке и оставлял в тени дерева рядом с дорогой, в месте, которое теперь называется "Дендрос" или "Дерево". Так путешественники могли получать отдых и подкрепление в дальнем странствии, особенно в жаркие летние месяцы.

Служение это было нелегким. Святой и сам долго шел, каждый раз спускаясь с вершины горы до дороги с водой на плечах и возвращаясь в келью. Однако, в этом подвиге он выражал любовь к людям и Богу. Каждый раз на обратном пути, оставив воду под деревом, он брал камень и с ним восходил наверх, не только чтобы постоянно подвизаться, но и строить из принесенных камней храм в честь Богородицы Влахернской и гробницу для себя. Рядом с кельей и храмом, который он построил, он соорудил небольшой бассеин с водой и насадил сад.

Господь наш Иисус Христос воздал преподобному Леонтию за его труды и усердие, и дал ему благодать провидеть свою кончину.

Однажды, в день Великой Субботы, святой заболел, а другу его из окрестных селян пришло на мысль посетить его, чтобы принести молока для укрепления сил.

Но у святого не оказалось никакого сосуда, и он попросил пастуха прийти назавтра с горшочком, и к слову объяснил, как его похоронит в приготовленном гробе в случае смерти.

Наступила Пасха. Придя с кринкой молока, селянин нашел святого почившим. Немедленно он совершил все то, чему был научен накануне.

Гроб преподобного сохранился до наших дней. Он имеет прямоугольную форму, свод и небольшой вход. Раньше здесь стоял еще и его посох, от которого теперь осталась половина. Тут же хранится и часть святых мощей, которые открыты для поклонения в храме святого Афанасия во Влахерне.

Из рукописи Гортинского монастыря Честного Предтечи, которая на данный момент является самым авторитетным источником сведений о святом Леонтие, мы узнаем, что через год после преставления преподобного крестьяне с пастухами открыли его мощи и нашли их целыми, нетленными и источающими благоухание


.

Трапезундские мученики
matreshka_14
Трапезундским мученикам,

Тропарь,  глас 4.
Подобен: Скоро предвари:
Четверочи=слен полк/ страстоте=рпец Христовых,/ Евгения да воспои=м, /со Валериа=ном, Аки=лу и Канди=да,/си=и бо во граде Трапезу=ндстем/ законно пострада=ша/и лесть идольскую низложи=ша,/ ныне же усердно молятся\ о душах наших.

Лукиан, пресвитер из Бовэ, сщмч
matreshka_14
сщмч. Лукиан пресвитер из Бовэ,
Тропарь, глас 5

От ветхаго Рима пришед/ слово Божие/ усердно возвещал еси,/ во всех пределех Галльских,/ и многи души помраченныя/ ко Христу обратил еси/ и мучения лютая/ веры ради претерпел еси./ Священномучениче Лукиане, // моли спастися душам нашим!

Филумен Святогробец прпмч.
matreshka_14
  Месяца ноября двадцать девятаго дня празднуем память
святаго священномученника

ФИЛУМЕНА СВЯТОГРОБЦА
На вечерни
На «Господи, воззвах», глас 1.
Подобен: Небесных чинов:
Пе=сненно соше=дшеся, да торжеству=им,/ соверша=юще па=мять/ Филуме=на боже=ственнаго,/ в на=ша бо времена=/ дея=нием очище=н,/ по=двигом страда=льчества просия=,/ от Бога достойно прия=в\ победы венец нетле=нный.
Паче солнца возсия=вшаго Филуме=на/ во Ору=нде Ки=прстей/ и озари=вшаго мир/светом благоче=стия, и доброде=тели,/ и до=блестным подвигом страда=льчества,/ вси благогове=йно да воспои=м\ яко но=ваго священному=ченика Христова. 
Яко всепло=дие, страда=льче,/ и закла=ние боже=ственное/ Христу= Жизнода=вцу Иису=су принесе=н,/Филуме=не треблаже=нне,/ от Того= и сподо=бися сла=вы,/ яже па=че ума=,/ в небе=сных ски=ниях,\  священномучениче красне=йший.
Оста=вив кров свой,/ горы= кре=стныя Ставровуни=йския[1]/ с бра=том вкупе дости=же,/ в нейже бе искуше=н/ послуша=ния яко скрижаль, Филумене,/ и яко твердыня/ богоугоднаго нрава,\ благочестия и чистоты.
Госпо=дня стада а=гнче новозакла=нный,/ чу=дно Це=ркве укрепле=ние и неруши=мо,/ отче Филуме=не треблаже=нне,/ и новозда=нное утвержде=ние благоче=стия,/ тя благоговейно да почтим,\ православных собрания.
У честна=го студенца=[2] Самаряны=ни,/ я=ростию убие=нный,/и кровопроли=тно изсече=нный,/ в ле=та после=дняя,/ му=чениче и свиде=телю Христо=в,/ богоно=се Филуме=не,/ лико=м непобежде=нных/ и доброору=жных страда=лец\ соприче=лся еси.
Слава, глас 6:
В
о иере=ех новаго страстоте=рпца/ и в му=ченицех святейшаго побе=дника,/ Филуме=на, новопоже=нный Це=ркве крин,/ ве=рнии, достосла=вно да ублажи=м:/ сей бо изде=тска/ Божественныя любве исполнен сый,/ се=чивом[3] беззако=нных/ до=блественне потща=ся/ боре=ние сконча=ти/ и кровьми своими обагри=ти/ ризы свяще=нныя;/ и ныне к вышнему жертвеннику теки=й/ яко иерей/ и мученик красе=н и че=стен,/ всем православным просит у Господа/ оставле=ния грехов\ и жизни ве=чныя.
И ныне, глас тойже. Богородичен Догматик: Кто Тебе не ублажит:
На стиховне, глас 5.
Подобен: Радуйся:
Ра=дуйся, священному=чениче Христов,/ Ангелом согражданине и совсе=льниче,/ Ору=нды, ве=си Кипрския, цве=те,/ облагоуха=яй ны/ воня=ми доблестных борений твоих:/ предобрый арома=те безмолвия,/ оста=ви оте=ческий кров/во о=троческия годы, святе,/ с честным единокро=вником твоим,/ и ублажая вся священно безмо=лвствующия,/ в Ставровуни=йскую обитель богопокровенную всели=ся,/в нейже послушанию и трезве=нию,\науче=н бе, мудре Филуме=не.
Стих: Праведник яко финикс процветет,/ яко кедр, иже в Ливане, умножится.
Ра=дуйся, паче всех возлюби=вый/ Жизнода=вца и Богочелове=ка Христа,/ Филуме=не, иереев богобоязненных сия=ние/ и мученик новых Божественное свети=ло:/ яко бо агнец непоро=чный/и Бо=жие заколе=ние,/ у студенца= Иа=ковля всесвята=го/ претерпе=вый усечения я=зву,/ в последняя лета,/ радостно прие=мля  страсть/ в подражание Распятому беззакоными руками/ Христу Всецарю,/ Егоже моли\ спасти=ся благохва=лящим тя.
Стих: Насаждени в дому Господни,/ во дворех Бога нашего процветут.
Ра=дуйся, благоче=стия пла=меню,/Церкве новый опло=те,/Православия све=тлая похвало=,/по=стниче, священному=ченик удобре=ние,/ Филуме=не святе;/ темже, память твою почита=юще светоно=сную,/ и нетле=нное тело твое/лобыза=юще в Сихе=ме, взыва=ем:/ овча= новозва=нное Христа,/ Того умоли в час стра=шный Суда/тя пою=щих с тобою предста=ти\ и мирови дарова=тися ве=лией милости.
Слава, глас 8:
Б
оголюби=вое жи=тельство твое/ страдальческими напечатлев боле=зньми,/ священному=чениче Филумене всече=стне,/ благоугодив всем человеком и Владыце всех,/ победнаго венца/ от Того сподо=бися на небеси=,/ тем  яко дерзновение имеяй/ к милостивому Господу,\ не преста=й моля=ся о чту=щих тя.
В
Тропарь, глас 5:
Подобен: Собезначальное Слово:
севы=шняго друга и=скреннейшаго,/ при студенце= Иа=ковле ныне умерщвле=ннаго/ окровавле=нными супоста=т рука=ми,/ Филумена, вернии, да восхва=лим,/ светло вопиюще:/ Христу не престай, священномучениче, моляся,\ наших страстей отгна=ти омраче=ние.
Ин, глас 3:
Д
емонов победи=телю,/ те=мныя силы разори=телю,/ смире=нием унасле=довавый зе=млю,/ на Небесех ца=рствуеши;/ священному=чениче Филуме=не,/ моли Милосе=рдаго Бога на=шего\ спасти души наша.
На утрени
По шестопсалмии тропарь, писан на велицей вечерни.
По первом стихословии седален, глас 1.
Подобен: Гроб Твой, Спасе:
Яко иерей Божествен и страстотерпец светел, Филумене мудре, испивый муче=ния ныне чашу, усердно Всецаря моли даровати спасения воду, текущую к Животу Нестаре=емому, нам, почитающим тя.
Слава, тойже.  И ныне: Богородичен:
Живоносный Исто=чниче, Пресвятая Дево, Воду живо=тную источи=вшая миру, единаго Богочеловека, Иисуса, даждь рабом Твоим испи=ти нетленнейших и славы непрестающия Божественных во=д, от человеколю=бнаго сердца Твоего источа=емых.
По втором стихословии седален, глас 4.
Подобен: Скоро предвари:
От лет юностных любве= Боже=ственныя огнь от прама=тере твоея благочести=выя богатно восприя=л еси, Филуме=не, по=слежде от беззако=нных в Сихеме свяще=нном му=ченический венец радостию восприи=м, всеблаже=нне: тем и молитвами твоими спасай почита=ющия тя.
Слава, тойже.  И ныне: Богородичен:
Те=пле молим Тя, Дево Ма=ти Чистая, непрестанно моли от Тебе произше=дшаго милостиваго Господа, страсти лю=тыя укротити, ны борю=щия, и вся чувствия огради=ти ве=рою вы=ну велича=ющих мно=жество чудес Твоих.
Канон, глас 4,
егоже краегранесие: Филумена, священномученника новаго пою. Х.М.
Песнь 1
Ирмос: Отверзу уста моя,/ и наполнятся Духа,/ и слово отры=гну Царице Матери,/ и явлюся светло торжествуя,\ и воспою, радуяся, Тоя чудеса.
Яко свяще=ннейшее заколе=ние,/ у студенца= Иа=ковля/ поже=ршагося, ве=рнии,/ боже=ственными пе=сньми/ Филуме=на му=ченика воспои=м,/ и=же но=вая яви=ся\ в=еры слава и похвала.
Направил еси= стопы твоя,/ священному=чениче Филуме=не,/ ко обители Ставровуни=йстей Честна=го Креста=/ вкупе с братом твоим,/ от благоча=дныя веси,/ Ору=нда имену=емей,\ и уедине=ннаго жи=тельства образ соделался еси.
Чисте=йшее светило/ и ярчайшее, Филумене,/ семе=йства многоча=днаго пито=мче,/ от юности ты верою утвержден бе\ и возсия=л еси= всем благочестием своим.  
Богородичен: Наста=ви, Владычице,/ к па=житем радостным благода=ти,/ всех, воспева=ющих светло Твоя чудеса/ и боже=ственнаго Филуме=на\ заколе=ние велича=ющих сла=вное.
Песнь 3
Ирмос: Твоя песнословцы, Богородице,/ живый и независтный Источниче,/ лик себе совокупльшия духовно утверди,/ в божественней Твоей славе\ венцев славы сподоби.
От ю=ных лет/ впери=в Христо=ви сердце твое,/ тем и после=довал еси,/ Филуме=не преподо=бнейше,\ ра=достне Украси=вшему тя нетле=ния венце=м.
Му=чеников лико=м/ причте=н быв, Филуме=не,/ и му=ченическаго добросла=вия сподо=бився,/ весе=лие и ра=дование насле=довал еси,\ и=хже и нас сподоби.
Всечестное прозябение Кипрское,/ раче=нием ко Господу/ от младе=нства напита=нный,/ оте=ческий кров оста=ви, Филуме=не,/ и ско=ро во свяще=ннейшую/ обитель Ставровуни=йскую\ всели=лся еси.
Богородичен: Ума моего темни=цы озари=/ и очеса= душе=вная/ раба= Твоего просвети=,/ очерне=нная страстьми=,/ Мати Божия,/ Яже Светода=вца Го=спода,\ Еди=наго Богочеловека ро=ждши.
Седален, глас 3.
Подобен: Божественныя веры:
Яко всесвяще=нный а=гнец поже=рлся еси в Самарии, у Иа=ковлева студенца=, егоже воды= Богочеловек испи= от рук поче=рпшей Самаряныни, священномучение Филуме=не всечестне, и обагрил еси одежду священную кровей своих Божественными то=ки.
Песнь 4
Ирмос: Седяй в славе на престоле Божества,/ во облаце легце,/ прииде Иисус пребожественный,/ нетленною дланию и спасе= зовущия:\ слава, Христе, силе Твоей.
Весь боже=ствен/ и богоприя=тен яви=ся, святе,/ ныне в Сио=не/ места=м святым послужи=вый/ и дла=ньми убийц/ святейшую кровь твою\ в Самари=и изли=в, Филуме=не.
Закон Божественный/ возвеща=я неве=рным,/ свя=те Филуме=не,/ и посреде= волко=в/ богоприя=тно, отче, подвиза=яйся,/ не возмогл еси= избежа=ти челюсте=й их,\ жа=ждущих растерзати тя.
Во иере=ех/ украси=тель сла=вен еси,/ Филумене святе,/ студенца= Божественнаго,/ у него=же Фоти=ну Самаряны=ню/ сре=те иногда= Мессия Христос,\ да=рующий нам воду жизнопода=тельную.
Богородичен: От утро=бы Твоея, Богородице,/ па=че слова и па=че ума/ Христос произы=де,/ мирови да=руяй бытие=/ и спаса=яй от бед и печалей/ выну Твоя чудеса\ велича=ющия.

Песнь 5
Ирмос: Ужасошася всяческая/ о божественней славе Твоей:/ Ты бо, Неискусобрачная Дево,/ имела еси= во утробе над всеми Бога,/ и родила еси= безлетнаго Сына,/ всем воспевающим Тя\ мир подавающая.
Ка=плями честны=х крове=й твоих/ ны=не запечатле=л еси=/ кла=дезь свяще=нный Самаряны=ни,/ у него же беззако=нных руками/ бе убие=н,/ я=ко непоро=чно овча=, Филуме=не,\ новых подви=жников ве=ры хвало=.
Изба=вителя и=скреннейший люби=мче,/ Того= паче всех любя=й/ и Того ра=ди любве=/во огра=де студенца= Иа=ковля/ же=стоко умерщвле=нный,/ моли=, Филуме=не, Господа\ о пою=щих тя.  
Му=чеников заре= новосия==нных,/ веры свиде=телей,/ Филуме=не сла=вне,/ тяжкоу=мия мрак/ на тя вражду=ющих разсе=явый,/ светом Небеснаго Царствия блиста=ющим\ в вы=шних наслади=ся кро=вех.
Богородичен: Просим себе, Влады=чице,/ молитв непреста=нных/ к Жизнодателю Твоему Сыну,/ и=же в сме=ртней/ темнотле=нней се=ни спя=щии,/ яко да радости неумолка=емыя\ прича=стницы в небе=сных будем.
Песнь 6
Ирмос: Боже=ственное сие и всечестно=е/ совершающе празднество,/ богомудрии, Богоматере,/ прииди=те руками воспле=щим,\ от Нея рождшагося Бога славим.
Укрепля=емь, Филумене,/ си=лою Господа,/ ве=рным подающаго/ токи живо=тныя,/ врагов ве=ры, грозящих ти,/ крепкодушне отче,\ не устраши=лся еси.
Тело твое многострада=льное/ и по успе=нии/ м=ягко и удобоподви=жно/ Господь соблюде=,/яко да во одеяния служебная/ облачат отцы= его,\ о Филуме=не.
Тебе поем, священному=чениче Филуме=не,/ в горе= Афо=нстей/ бра=ту[4] своему яви=вшемуся/ и муче=ние  свяще=нное свое=\ тому а=бие пове=давшему.
Богородичен: Скверна=вую, Богороди=тельнице,/ и нечистоты исполненную/ рабов Твоих волю/ омый иссопом дерзновения\ к Сыну Единородному Твоему и Господу.
Кондак, глас 8.
Под.: Взбранной Воеводе:
С
вященному=чеников новосия=нную звезду=,/ у студенца возше=дшую Самаряныни/ и облиста=вшую Це=рковь Христову/ целому=дрием и страда=нием,/ ныне воспоим,/  яко а=гнца, за веру закла=ннаго,/ любо=вию вопию=ще:\ ра=дуйся, блаже=нне Филуме=не.
Песнь 7
Ирмос: Не послужиша твари, богомудрии,/ паче Создавшаго,/ но огненное прещение мужески поправше,/ радовахуся поюще:\ препетый отцев Господь и Бог благословен еси.
От всякаго мя злоумышле=ния вра=жия,/ Филуме=не, изба=ви,/ якоже спасе=/ преемника в месте делания твоего,/ скоро тому предвозвестив/ еже на него убийц нашествие\ безсту=дное и слабоду=шное.
Ныне тело твое,/ его=же Господь сохрани= нетле=нно,/ сла=вне Филуме=не,/ в Сихе=ме яко источник ся являет исцеле=ний/ с верою сему приника=ющим/ и ко Христу\ твоих предста=тельств требующим.
Благосострада=тельне Филумене,/ вся отсе=ченная многострадальнаго телесе= твоего/ во Австра=лии, святе,/ лютый недуг карки=на[5] отгна=,/ всем благодать показуяй,/ ю=же обрел еси=\ на па=жити веры.
Богородичен: Пречи=стый Владыка/ мир от падения дре=вле изба=вивый,/ от пречи=стых крове=й Твоих,/ Мати Божия, воплоти=ся./ Сего ради, Владычице,/ я=ко Нача=ток спасе=ния нашего\ Тя воспева=ем.
Песнь 8
Ирмос: Отроки благочестивыя в пещи,/ рождество Богородичо спасло есть:/ тогда убо образуемое,/ ныне же действуемое,/ вселенную всю воздвизает пети Тебе:/ Господа пойте, дела,\ и превозносите Его во вся веки.
Новый Христов священному=чениче,/ се=чивом ура=нен сый,/ добродетельне Филумене,/ обагрил еси= ру=бище ни=щенское твое/ крове=й твоих то=ки,/ вскрай обитая селений веры Господни честных,\ в Земли, ю=же стопами Своими обы=де Бог.  
Мученик и ратобо=рец победоно=сен яви=ся/ Христа Вседержителя,/ о Филумене ди=вне,/ яко превозшедый доблесть всяческую/ в последняя лета;/ нетленное тело твое/ священие и источник/ Той показа, отче,\ присноточа=щ чудесы.
Се=чиво тя уре=за/ непоро=чно, Филуме=не крепкоду=шне,/ убие=ние же=стоко соверша=я,/ и главу твою сокруши= всечестну=ю,/ священнострада=льче благоро=дный:/ сего ради,/ чту=ще память твою святую,/ благообра=зно взыску=ем\ е=же пред Господем заступле=ний твоих.
Богородичен: Изба=ви напа=стей, Богоро=дице,/ бед, обстояний/ и скорбей го=рестных/ просящих вы=ну, Владычице,/ я=же от Тебе помощи/ и сподо=би дости=гнути нам/ славы неумолкаемыя/ и на Небесех\ несконча=емыя радости.
Песнь 9
Ирмос: Всяк земнородный/ да взыграется Духом просвещаемь,/ да торжествует же безплотных Умов естество,/ почитающее священное торжество Богоматере,/ и да вопиет:/ радуйся, Всеблаженная,\ Богородице Чистая Приснодево.
Благосла=вне Филуме=не,/ священному=чениче честны=й,/ ве=ры же и Сиона/ новоза=рный све=щниче,/ в ли=це вси/ твоея= кончи=ны память пра=зднующе, вопием:/ с небесе= покрый/ и спаси= от всякия ну=жды\ к тебе притека=ющия.
Яко а=гнец Божий пожре=н быв,/ Филумене богобра=зне,/ и к небесному стаду вознесе=н/ и к присносу=щней радости и веселию,/ да Началопастырю сликовствуеши/ и Ангельским чино=м\ во веки светло свесели=шися.
Радуйся, до=блественниче Господень, Филуме=не,/ терпели=вне и всече=стне,/ вопиюще, молимся:/ от се=тей мироде=ржца ум наш свободи=,/ и песнь сию= приими=,/ ю=же сплетае=м ти,\ хва=ляще мученическое твое светлое свиде=тельство.
Богородичен: Ма=ти Божия,/ ум наш возвы=си ко мно=жайшей любви=/ от суеты= до=льних страстей и скорбей,/ Яже Вышняго Рождеством/ древле падшее Ада=мово естество=/ любве= ради неизрече=нныя и ве=лией милости\ возвы=сившая.
Светилен.
Подобен: Жены услышите:
Священному=чениче сла=вне, и=же в после=дняя времена= у студенца= Иа=ковля пострада=вый и славы причаща=яйся ныне Зижди=телевы, треблаже=нне Филуме=не, о нас моли, соверша=ющих верою присночестну=ю память твою.
На «Хвалитех», глас 4.
Подобен: Званный свыше:
Сла=вне Филуме=не,/ Орунды ки=прския/ о=трасле цветоно=сная и преблагово=нная,/ со Елпи=дием, близнецом своим,/ хотя= Единому Господу угоди=ти и Богу,/ сла=сти вся мудро небрегл еси,/ якоже Кущник пе=рвее Иоанн,/ егоже во образ\ житию своему приял еси,\ Це=ркве кри=не новоусе=ченный.
Един у студенца= Иа=ковля/ вечерни, Филумене хвале=ния/ принося Всецарю/ благоговейно в жертву,/ безсту=дно се=чивом ура=нен бе/ и церко=вное облаче=ние/ обагри=л еси токи крове=й твоих,\ вечерни же проки=мен прочести=\ возше=л еси в Небе=сныя До=мы.
Напра=вил еси, Филумене, пе=рвее/ к горе Креста/ стопы твоя изде=тска,/ по=слежде отше=л еси/ ко бра=тству Божественнаго/ и Всесвятаго Гроба,/ хотя благоговейно послужи=ти/ святыням свяще=нным/ во времена последняя,\ отче богодухнове=нне,\ и ше=ствовати восле=д Иисуса Всецаря.
Мо=щи Боже=ственныя твоя,/ священному=чениче Филуме=не,/ нетле=нны соде=лав Господь,/ нетле=нную сла=ву твою всем яви=,/ю=же свыше прия=л еси;/ сего ради благоговейно тя чтит/ Церковь Христова/ и память твою приснопе=тую/ величает, вопиющи:\ моли Господа дарова=тися верным\ ве=лией милости.



[1] Кипрская обитель Ставровуни (гора Креста), где священномученик вместе со своим братом-близнецом полагал начало монашества.
[2] Колодца.
[3] Топором.
[4] Сразу после мученической кончины сщмч. Филумен известил о ней своего брата-близнеца о. Елпидия, подвизавшегося в то время на Афоне.
[5] Раковой опухоли.